Los oficios tradicionales y les construcciones teitaes

El Ecomuseo de Somiedo quier asoleyar dafechu tolos elementos etnográficos (lo mesmo una goxa qu’una braña entera) tocántenes a una cultura rural que va camín de desaniciase, pero qu’inda pue rastrexase nos puelos y el paisax somedán.

Creáu en 1996 pol Ayuntamientu de Somiedu, mira pol alicar de dellos oficios y actividaes tradicionales del conceyu, asina como les clases de vivienda y el so desendolcu nel tiempu, pervenceyaos cola economía agraria y d’autoconsumu. Fai por caltener y amosar un mou de vida qu’aprovechó, pelos sieglos, los recursos d’un país dacuando fosqueru, calteniendo tola so bayura medioambiental y dibuxando un paisax únicu onde les buelgues del home rellumen tanto como les naturales: brañes, molinos, ol.leras, pisones, caminos y siendes que puen conocese pola mor de les rutes etnográfiques. Tien dos siendes principales. Una ta en La Pola y nella amuésense ferramientes y preseos de dellos oficios: madreñeiros, goxeiros, ferreiros, carpinteiros, filandeiras, etc., que mandaron al ecomuséu los vecinos de Somiedu.

La otra sede cae nel puelu de Veigas, au s’amuesen tres cases que caltienen los muebles y la fechura tradicional y que cinquen a tres tipoloxíes xebraes, pudiendo apreciase’l desendolcu de la casa somedana a lo llargo’l tiempu. Les tres viviendes tan teitaes con escoba; estes cobertories vexetales yeren vezu en Somiedu, lo mesmo en viviendes que n’escueles, molinos, horros y cabanes, magar que foron camudando por otros materiales como la teya y la pizarra, arrequexando’l teito d’escoba nes cabañes de les brañes (asentamientos montunos d’usu ganaderu) espardíes per tol conceyu de Somiedu. Tamién hai un horru n’Urria con esta clas de cobertoria, amás d’un molín nel Val.le.

Dirección y teléfonos

Redes sociales

 

Horariu

LOS OFICIOS Y LA TRASHUMANCIA (CAUNÉU)
Iviernu (16 de setiembre a 30 de xunu)
Miércoles a vienres: de 11 a 14 h.
Sábadu: de 11 a 14 y de 16 a 19 h.
Domingo: de 11 a 14 y de 16 a 18 h.
Llunes y martes zarráu Branu (1
de xunetu a 15 de setiembre)
Llunes a domingu: de 11 a 14 y de 16 a 20 h.

LAS CASAS (VEIGAS)
Iviernu (16 de setiembre a 30 de xunu):
Miércoles a sábadu: 11 a 14 y 16 a 19 h.
Domingo: 11 a 14 y 16 a 18 h.
Llunes y martes zarráu Branu (1
de xunetu a 15 de setiembre):
Llunes a domingu: 11 a 14 y 16 a 20 h.

Preciu

Mayores de 16 años: 2€ c/u
Menores: 1€ c/o
Grupos (más de 15 persones): 1€ c/u
La mesma entrada sirve para visitar los dos sedes del Ecomuséu (Caunéu y Veigas).
Exenciones: grupos en visita escolar, posesores del carné nuevu y menores de 6 años.
Para les visites en grupu ye necesariu alcordales primeramente nel teléfono 985763984 o nel corréu electrónicu del Ecomuséu ecomuseodesomiedo@gmail.com

Horarios y precios actualizaos a 1 setiembre 2019