Museo Etnográfico del Oriente de Asturias

Un territoriu, un patrimoniu, una comunidá

Tien una coleición etnográfica representativa de la vida tradicional del oriente d’Asturies. Los oxetos que s’amuesen vencéyense cola arquitectura rural que los agospia y avérenmos, amás, a actividaes feches per fuera casa, a la vera o en sitios más alloñaos: les tierres de llabor, la viesca, el prau de la ilesia’l día la fiesta, el ríu, la escuela, la fonte.

Anicia cuando Teresa Sordo y Luis Haces, matrimoniu de porruanos residentes en México, mandaron la finca y les cases de Llacín al puelu de Porrúa.

Por razón d’esta manda formóse l’Asociación Cultural Llacín, que fizo por construyir esti muséu, inauguráu el 10 de xunetu de 2000. La so sede ta formada por un grupu d’edificaciones rurales llevantaes nos sieglos XVIII y XIX. A esti conxuntu añadióse un horru del sieglu XVIII.

El muséu asítiase nuna finca enllena d’árboles frutales y de viesca, ente los que rescampla un aguacate grande enforma, con un tueru de 7 m de contornu y más de 20 m d’altor, que vieno de México y se llantó en 1906.

Les sales tán organizaes siguiendo dos modelos. Unes amuesen ambientes como la cuadra, el llagar de sidra y la casa coles sos dependencies, y otres acueyen esposiciones temátiques: una coleición de cacía de fierro esmaltao o porcelana; el quesu y la mantega; los texeros o tamargos de Llanes; los procesos testiles; los oficios; los preseos y carros. El muséu tien amás una sala pa esposiciones temporales.

El puelu de Porrúa ta nel conceyu de Llanes, metanes la mar y la montaña. Asítiase al pie de la sierra de Cuera, ramal norteñu de los Picos d’Europa, que ye un espaciu tradicional de pastu de branu con cabañes y mayaes p’abellugar ganáu y pastores. Pol norte ta averáu a la costa, que nel conceyu de Llanes tien formaciones calices mui chocantes, mesmamente les playes interiores de Gulpiyuri y Cobih.eru.

Nos puelos del conceyu de Llanes hai exemplos perinteresantes d’arquitectura popular ya indiano.

Dirección y teléfonos

Horariu

Temporada alta y pontes
Del 1 de xunetu al 8 de setiembre el 1 de julio al 8 de septiembre
De martes a sábadu, de 11:00 a 13:30 y de 17:00 a 20:00.
Domingos y festivos, de 12:00 a 14:00 y de 17:00 a 20:00.
Selmana Santa
Xueves, vienres y sábadu, de 12:00 a 14:00 y de 17:00 a 20:00.
Domingo, de 12:00 a 14:00.
Ponte d’avientu
Xueves 6, de 12:00 a 14:00 y de 17:00 a 19:00.
Vienres 7, de 11:00 a 14:00 y de 17:00 a 19:00.
Sábadu 8, de 12:00 a 14:00 y de 17:00 a 19:00.

Temporada baxa
Del 16 de marzu al 31 de mayu y del 9 setiembre al 31 de ochobre
De martes a xueves, de 11:00 a 13:30.
Vienres y sábadu, de 11:00 a 13:30 y de 17:00 a 19:00.
Domingos y festivos, de 12:00 a 14:00.
Del 1 al 30 de xunu
Martes de 11:00 a 13:30.
De miércoles a sábadu, de 11:00 a 13:30 y de 17:00 a 19:00.
Domingos y festivos, de 12:00 a 14:00.
Del 1 de payares al 15 de marzu
De martes a sábadu, de 11:00 a 13:30.
Festivos 6 y 8 d’avientu, de 12:00 a 14:00 y de 17:00 a 19:00.

Zarráu
Tolos llunes
Del 16 d’avientu al 16 de xineru

Galería de imágenes