Museo Etnográfico del Oriente de Asturias

Un territoriu, un patrimoniu, una comunidá

Tien una coleición etnográfica representativa de la vida tradicional del oriente d’Asturies. Los oxetos que s’amuesen vencéyense cola arquitectura rural que los agospia y avérenmos, amás, a actividaes feches per fuera casa, a la vera o en sitios más alloñaos: les tierres de llabor, la viesca, el prau de la ilesia’l día la fiesta, el ríu, la escuela, la fonte.

Anicia cuando Teresa Sordo y Luis Haces, matrimoniu de porruanos residentes en México, mandaron la finca y les cases de Llacín al puelu de Porrúa.

Por razón d’esta manda formóse l’Asociación Cultural Llacín, que fizo por construyir esti muséu, inauguráu el 10 de xunetu de 2000. La so sede ta formada por un grupu d’edificaciones rurales llevantaes nos sieglos XVIII y XIX. A esti conxuntu añadióse un horru del sieglu XVIII.

El muséu asítiase nuna finca enllena d’árboles frutales y de viesca, ente los que rescampla un aguacate grande enforma, con un tueru de 7 m de contornu y más de 20 m d’altor, que vieno de México y se llantó en 1906.

Les sales tán organizaes siguiendo dos modelos. Unes amuesen ambientes como la cuadra, el llagar de sidra y la casa coles sos dependencies, y otres acueyen esposiciones temátiques: una coleición de cacía de fierro esmaltao o porcelana; el quesu y la mantega; los texeros o tamargos de Llanes; los procesos testiles; los oficios; los preseos y carros. El muséu tien amás una sala pa esposiciones temporales.

El puelu de Porrúa ta nel conceyu de Llanes, metanes la mar y la montaña. Asítiase al pie de la sierra de Cuera, ramal norteñu de los Picos d’Europa, que ye un espaciu tradicional de pastu de branu con cabañes y mayaes p’abellugar ganáu y pastores. Pol norte ta averáu a la costa, que nel conceyu de Llanes tien formaciones calices mui chocantes, mesmamente les playes interiores de Gulpiyuri y Cobih.eru.

Nos puelos del conceyu de Llanes hai exemplos perinteresantes d’arquitectura popular ya indiano.

Dirección y teléfonos

Horariu

Temporada baxa
Del 17 de xineru al 15 de marzu
De martes a sábados: de 11:00 a 13:30 h
Del 16 de marzu al 30 de xunu y del 9 de setiembre al 15 d’avientu
De martes a xueves, domingos y festivos: de 11:00 a 13:30 h
Vienres y sábados: de 11:00 a 13:30 y de 17:00 a 19:00 h

Temporada alta
Del 1 de xunetu al 8 de setiembre
Abiertu tolos díes de 11:00 a 13:30 y de 17:00 a 20:00
Selmana Santa
De xueves a domingu: de 11:00 a 13:30 y de 17:00 a 20:00 h

Zarráu
Zarru temporal: del 16 d’avientu al 16 de xineru
Zarru selmanal: los llunes, sacante del 1 de xunetu al 8 de setiembre

Galería de imágenes

 

 

Esta web utiliza cookies propias para su correcto funcionamiento. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos.
Privacidad