Museo Etnográfico de Quirós

Formes de vida nos puelos de la montaña asturiana

Los cambeos perfondos qu’hebo nes comunidaes rurales acabante’l sieglu XIX truxeron el desdexu de munchos de los preseos y tarecos qu’hasta entós yeren imprescindibles. La necesidá de caltener estos elementos, qu’a la fin constitúin la historia d’un puelu, animó al Ayuntamientu de Quirós, n’andecha cola Conseyería d’Educación y Cultura del Gobiernu del Principáu d’Asturies, a la creación d’esti muséu etnográficu, col que quier amosar y representar la manera de vivir, los preseos y les maquinaries d’estos puelos de la montaña, dándo-yos el valir y el respetu que merecen.

Tres d’un añu recoyendo ya iguando materiales, el muséu inaguróse’l 19 de marzu de 1998 na villa del conceyu, talamente au tuviere la plaza d’abastos hasta los años setenta del sieglu XX.

El muséu tien dos andares. Nel primeru reprodúcense los espacios propios de l’alredorada: una cuadra, un llavaderu con fonte y bebederu, el taller del madreñeiro y, sobremanera, la casa quirosana col l.lar, el fornu, la sala y el cuartu. Otros espacios tan dedicaos al llinu y la llana y al aprovechamientu del monte.

Nel segundu andar tán la escuela tradicional y una esposición onde s’amuesa’l desendolcu de dellos preseos del campu y del ganáu, el cultivu de la escanda y el trabayu del goxeiro. Hai una sala d’audiovisuales y otra d’esposiciones temporales, puestes p’asoleyar l’artesanía del conceyu y facer actividaes culturales.Tol conceyu de Quirós tien munchu valir pa la bona conocencia la vida rural. Rescamplen sobremanera los puelos de Bermiego y Cienfuegos; los molinos de farina hidráulicos de Corroriu (Fresneo), remocicaos y funcionando; les Brañes de Canl.longo (Cuañana) y los Puertos d’Agüeria (Güeria, L.lindes), como exemplos d’asentamientos ganaderos con construcciones tradicionales (bel.lares) no alto’l monte; y l’Altu la Cobertoria y el Prau L.lagüezos (L’Aramo), onde se caltienen dólmenes y túmulos prehistóricos.

Dirección y teléfonos

Carretera General, s/n
33117 Bárzana (Quirós)

Horariu

Temporada baxa (d’ochobre al 15 d’avientu y de marzu a xunu). Abiertu sábados, domingos y festivos, de 11 a 14 y de 15 a 18 h

Temporada alta (de xunetu a setiembre). Abiertu de miércoles a domingu, de 11 a 14 y 15.30 a 19.30 h

Grupos: visites empuestes de miércoles a domingu con solicitú previa: 985 768 096 / 689 754 466

Llunes y martes ZARRÁU.

Material gráfico

Folletu(2015)

Itinerariu Bárzana Coañana Molinos de Corroriu

GALERÍA DE IMÁXENES

Los esteriores

Hestoria industrial

El Quirós llabrador

La escuela

Esta web utiliza cookies propias para su correcto funcionamiento. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos.
Privacidad